نبی کریمﷺ کی پسندیدہ غذائیں

loki

لاہور( خصوصی رپورٹ) ویسے تو آج کل لگتا ہے کہ سبزیاں کھانا کسی کو پسند نہیں مگر سبز رنگ کی سبزیاں صحت کے لیے بہت فائدہ مند ہوتی ہیں، ان میں سے ایک لوکی بھی ہے جو کہ حضور صلی اللہ علیہ وسلم کی پسندیدہ غذاﺅں میں سے ایک تھی جو کہ آپ کے لیے بہت فائدہ مند ثابت ہوسکتی ہے۔ یہ نہ صرف گرم موسم میں جسم کو ٹھنڈا رکھتی ہے بلکہ دل کے لیے مفید اور بے خوابی کی شکایت دور کرنے میں بھی مددگار ہے۔اس سبزی کے چند فوائد درج ذیل ہیں جو اس سنت نبویٰ کو صحت کے لیے بہترین ثابت کرتے ہیں۔

ذہنی تناﺅ کم کرے:
لوکی کو کھانے سے ذہنی و جسمانی تناﺅ کم کرتا ہے، اس میں موجود پانی کی مقدار سے جسم کو ٹھنڈک ملتی ہے جبکہ اس کی سکون بخش خصوصیات جسم کو پرسکون کرتی ہیں۔

دل کے لیے سود مند :
لوکی دل کے لیے بہت زیادہ فائدہ مند ہے، اس کے عرق کو ہفتے میں 3 بار پینا دل کو صحت مند رکھنے میں مدد دیتا ہے جبکہ بلڈ پریشر کو کنٹرول میں رکھتا ہے۔

موٹاپے سے نجات:
جو لوگ اضافی جسمانی وزن سے پریشان ہے، ان کے لیے بھی لوکی کا عرق بہت مفید ثابت ہوسکتا ہے، یہ عرق آئرن، وٹامنز اور پوٹاشیم سے بھرپور ہوتا ہے جس سے بڑھتے وزن پر قابو پانے میں مدد ملتی ہے۔

بے خوابی کا مسئلہ دور کرے:
لوکی کے دیگر فوائد کے ساتھ ساتھ یہ نیند کے مسائل کے علاج میں بھی مدد دیتی ہے۔ تلوں کے تیل کی کچھ مقدار کو لوکی کے عرق میں ملا کر پینا عادت بنانے سے نیند کا معیار بہتر ہوتا ہے۔

بالوں کو سفید ہونےسے بچائے:
فضائی آلودگی کے نتیجے میں آج کل قبل از وقت بالوں میں سفیدی ابھر آنا ایک عام مسئلہ بن چکا ہے، روزانہ ایک گلاس لوکی کا جوس پینا بالوں کی رنگت اور ساخت کو برقرار رکھنے میں مدد دیتا ہے۔

معدہ درست کرے:
لوکی نظام ہاضمہ کو بہتر بنانے میں بھی مدد دیتی ہے، اس میں موجود فائبر قبض کے مسئلے سے بچاتا ہے جبکہ الکائی مواد تیزابیت کا علاج کرتا ہے۔

جلد کے لیے بھی فائدہ مند:
لوکی کا عرق قدرتی کلینر کا کام کرتا ہے جبکہ جسم سے زہریلے مواد کو خارج کرکے جلد کو نقصان سے بچاتا ہے۔

Author: admin

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.